Полицијата уапси две лица кои го убиле двегодишното девојче Данка Илиќ, кое исчезна на 23 март во Бањски Поље кај Бор, изјави денеска српскиот претседател Александар Вучиќ.
-Имаме лоши вести за Данка… Полицијата уапси две лица, кои, ако добро разбирам ја убиле малата Данка. Како што разбрав, тие го признаа делото. Со какви чудовишта си имаме работа, рече Вучиќ.
Вучиќ истакна дека лицата ја водат полицијата до местото каде што го оставиле телото на детето. Тој исто така додаде дека за овој случај подоцна ќе зборува и министерот за полиција Братислав Гашиќ.
Двегодишната Данка Илиќ исчезна пред десет дена во Бањско поле кај Бор, оттогаш потрагата по неа продолжува.