Истанбул, 9 септември (МИА) - Бројот на загинати во поплавите предизвикани од обилните дождови што вчера и денеска го зафатија Истанбул, се искачи на 31 лице, објавија попладнево турските медиуми.
Спасувачките екипи попладнево во неколку камиони и возила на патот што води од Истанбул кон меѓународниот аеродорм „Ататаурк“, пронашле тела на шест удавени лица. Покрај ова во истиот регион, пронајдени се уште и телата не еден чувар на паркиралиште и на еден овчар.
Си-Ен-Ен Турк јави дека седум лица се удавиле кога надојдената вода однела еден минибус во истанбуласката населба Халкал. Во истата населба две лица се удавиле во еден текстилна фабрика.
Во акциите за спасување на настраданите лица се вклучени околу 900 пожарникари и припадници на Цивилната заштита.
Турскиот претседател Абдула Ѓул оцени дека ова е досега најтешка поплава што го погодила Истабанул, нагласувајќи дека сите државни органи „се на нога“.
Се проценува дека поплавата предизвикала штета во висина од 70 до 80 милиони евра.
Метеоролозите најавија дека во следниве два дена обилните врнежи ќе се поместат на исток и ќе ослабнат, но дека во сабота и во недела Истанбул повторно ќе се најде на удар на силен дожд.