Софија, 17 септември (МИА) - Бугарскиот министер за спорт Свилен Нејков, вчера покрена истрага откако исти шест броеви беа извлечени на Националната лотарија, две недели по ред.
Веројатноста тоа да се случи е 1 спрема 4,2 милиони, објасни математичарот Михаил Константинов и дополни дека „сепак е можно да се случи тоа“.
Броевите 4, 15, 23, 24, 35 и 42 извлечени се пред телевизиските камери на 6 септември, а потоа и четири дена подоцна, иако по друг редослед. На третото извлекување извлечени се три од тие шест броеви.
Потпретседателската на бугарската лотарија Марија Јанева изјави дека „секое местење на извлекувањето е исклучено“.
Во првото извлекување немаше добитници, додека во второто 18 лица имале лото ливчиња со победничките броеви и добиле по 10.164 лева (5.197 евра).
Последниот џек-пот на бугарската лотарија вреден 3,8 милиони лева (1,94 милиони евра) извлечен е во јануари 2008 година.