Бања Лука, 5 октомври (МИА) - Навивач на фудбалскиот клуб Сараево го загуби животот во немирите откако навивачи на тој клуб се судрија со полицијата пред натпревар во Широки Брег.
Немирите почнале пред натпреварот откако навивачи на Сараево по доаѓањето во градот почнале да кршат автомобили и излози, а потоа се судриле со навивачи на домашниот клуб и локалните полициски сили.
Медиумите во БиХ тврдат дека во судирите се повредени најмалку 11 луѓе и оти хулиганите запалиле еден полициски автомобил. На местото на инцидентот се слушнале истрели на пиштол и автоматско оружје. Лекари во локалната болница се борат за живот на еден навивач и еден полицаец.