Приштина, 12 ноември (МИА) - Колона возила во кои се наоѓал и косовскиот премиер Хашим Тачи синоќа беа нападната со камења во близина на местото Дечани во западниот дел на Косово.
Како што соопшти косовската полиција, при нападот нема повреди меѓу членовите на делегацијата на Тачи, туку само се нанесени штети на неколку возила.
По инцидентот полицијата уапсила три лица под сомнеж дека биле дел од групата која го каменувала конвојот на косовскиот премиер.
Некои косовски медиуми јавија дека при нападот се слушнале и истрели, но оваа информација засега не е официјално потврдена.
Инцидентот се случи по предизборниот митинг на Демократската партија на Косово на Тачи во Дечани, одржан два дена пред завршувањето на изборната кампања за локалните избори.
Партијата на Тачи обвини дека нападот го организирал лидерот на Алијансата за иднината на Косово и поранешен косовски премиер, Рамуш Харадинај.