Приштина, 16 ноември (МИА) - Владејачката Демократска партија на Косово на премиерот Хашим Тачи синоќа соопшти дека ја освоила власта во поголемиот број општини на Косово.
Србите на денешните избори добија три нови општини, но ја загубија власта во две општини во кои го имаа мнозинството-Штрпце и Ново Брдо.
Од Демократската партија на Косово соопштија дека ја освоиле власта во повеќе општини отколку на претходните локални избори, не наведувајќи го точниот број на општини во кои победиле.
Во Приштина победата за градоначалник ја прогласи Исо Мустафа, од Демократскиот сојуз на Косово, на претседателот Фатмир Сејдиу.
На локалните избори на Косово гласаа околу 700.000 или нешто повеќе од 45 отсто од 1,5 милиони гласачи, соопшти синоќа Централната изборна комисија во Приштина по завршувањето на локалните избори кои за прв пат ги распишаа косовските институции.
Во Штрпце вчера гласаа повеќе Албанци од Срби, со што добија повеќе одборници во собранието. Србите во Штрпе сочинуваат 70 отсто од населението.