Грчкиот медиумски магнат Христос Ламбракис почина на 75 годишна возрастАтина, 21 декември (МИА) - Грчкиот медиумски магнат Христос Ламбракис почина како последица на срцево заболување во 75-та година од животот во болница во Атина.
- Медиумската група Ламбракис со неизмерна тага соопштува за смртта на Христос Ламбракис, претседател на бордот на директори на компанијата, објави весникот „Вима“ на својата интернет страница.
Ламбракис кариерата ја почна како новинар во еден од весниците на неговиот татко, „Вима“, а во 1957 година тој го наследи семејниот бизнис.
Медиумската група Ламбракис издава четири весници, меѓу кои „Вима“ и „Та неа“, 24 списанија и ја менаџира веб страницата HYPERLINK "http://www.in.gr"www.in.gr. Компанијата поседува 22 проценти од приватниот телевизиски канал Мега.
|