Атина, 25 јануари (МИА) - Грчкиот заменик министер за надворешни работи Димитрис Друцас, синоќа, од Брисел, телефонски разговараше со Метју Нимиц, личниот претставник на генералниот секретар на ОН за спорот меѓу Атина и Скопје за името на Македонија, се наведува во соопштението на грчкото МНР, цитирано од агенцијата АНА-МПА.
Грчкиот дипломат го покани Нимиц наскоро да ја посети Грција.
Поканата доаѓа откако македонското МНР пред два дена побара средба меѓу грчкиот заменик министер за надворешни работи Димитрис Друцас и неговиот македонски колега Антонио Милошоски во Лондон, во обид да се изнајде решение на прашањето за името, пренесува агенцијата.