Анкара, 1 јуни 2010 (МИА) - Турскиот премиер Реџеп Таип Ердоган го обвини Израел, дека извршил „крвав масакр“ и го повика веднаш да прекине со „нехуманата“ блокада на Појасот Газа.
Според Ердоган, активностите на Израел се удар врз меѓународното право, хуманоста и светскиот мир.
- Овој крвав масакр од страна на Израел против бродови, кои пренесувале хуманитарна помош за Газа, заслужува да биде осуден на секој можен начин, изјави тој во говорот пред Парламентот.