Брисел, 26 јули 2010 (МИА) - Ниту сега по објавувањето на мислењето на Меѓународниот суд на правдата во Хаг, признавањето на независноста на Косово не може да и се постави на Србија како услов за членство во ЕУ, изјави денеска во Брисел шефот на италијанската дипломатија Франко Фратини.
- На Србија не можеме да и додаваме нови предуслови (за членство во ЕУ), како што е признавањето на Косово. Ниту некои држави од ЕУ не ја признаваат таа независност, па се полноправни членки на ЕУ, истана Фратини пред почетокот на средбата на министрите за надворешни работи на Унијата.
Тој нагласи дека смета оти сега откако Судот во Хаг оцени дека со косовската независност не е прекршено меѓународното право, Србија и Косово треба да започнат „искрен и јасен дијалог“ за се, освен за статусот.
- ЕУ треба и да и упати позитивна порака на Србија, пред се со забрзување на процесот за префрлање на кандидатурата од Европскиот совет во Европската комисија , дополни Фратини.