Атина, 13 август 2010 (МИА) - Меѓу заразените од вирусот „
западен нил“ во Грција има и едно дете, соопшти директорот на болницата за заразни болести во Солун.
Тоа е првиот случај на дете, за кое лабораториски е утврдено дека е заразено од вирусот „западен нил“.
Состојбата на детето и на останатите пациенти, кои се лекуваат од нилската треска е добра.
Грчките власти досега потврдиле 32 случаи на нилска треска во земјата, а двајца од нив починаа минатата седмица.
Обласниот управник на Иматија објави дека во тек е програма за прскање со препарати против комарци.