Софија, 18 ноември 2010 (МИА) - Соборот на Српската православна црква (СПЦ) апелираше до српската држава и до бугарскиот претседател Георги Прванов за да биде ослободен од притворот расчинетиот владика на Македонската православна црква Јован Вранишковски.
Јован Вранишковски приведен синоќа од бугарската полиција на граничниот премин Калотина, на бугарско - српската граница. Него му е одредено 24 часовно задржување.
Вранишковски е задржан врз основа на меѓународната потерница што на први овој месец ја издаде македонското ИНТЕРПОЛ биро, по наредба на Основниот суд Битола. Потерницата е издадена според член 239 од Кривичниот законик за кривичното дело „затајување“.
Јован Вранишковски, расчинет владика на МПЦ, официјално се претставува како егзарх на Српската православна црква во Македонија, преку така наречената Православна охридска архиепископија, која уште нема судска регистрација. Врз основа на правосилна пресуда треба да одлежи казна затвор од две години и шест месеци.