Истражен судија во Салзбург му одреди притвор во траење од еден месец на поранешниот премиер на Хрватска Иво Санадер, јавуваат австриските медиуми.
Санадер беше уапсен вчера во близина на наплатна куќичка пред еден тунел на автопатот кај Салзбург во друштво на неговиот брат кој живеел во Инсбрук.
Хрватските медиуми јавуваат дека намерата на Санадер била да замине за САД, но американските власти одбиле да му дадат виза.
Екстрадицијата во Хрватска би можела да потрае и неколку месеци затоа што Австрија има најдолг период за екстрадиција во цела Европа.
Санадер е осомничен за злоупотреба на положбата и вмешаност во неколку коруптивни афери.