Приштина, 21 декември 2010 (МИА) - Косовскиот премиер Хашим Тачи изјави денеска дека сака независна истрага за да се „растера маглата“ по обвинувањата дека предводел убиства на луѓе и продажба на органи од киднапирани цивили.
Тој изјави за американски медиуми оти нема што да крие и додаде дека косовските власти ќе бидат кооперативни во истрагата по обвинувањата од Дик Марти, известител на СЕ дека ОВК убивала голем број Срби, како и Албанци на Косово и ги продавале нивните органи.
- Сето тоа е магла и јас ќе работам на тоа да ја растерам, изјави Тачи. Според него, обвинувањата се насочени на „поткопување на косовската декларација за независност од 2008 година“.