Приштина, 23 февруари 2011 (МИА) - Новоизбраниот косовски претседател Беџет Пацоли уште и пред официјалното стапување на должноста се најде удар на критики на претставници на одредени невладини организации во Приштина, кои сметаат дека неговиот избор „дополнително ќе го влоши и онака лошиот рејтинг на Косово во меѓународната заедница“.
Претседателот на фондацијата „Рокфелер“ за југозападен Балкан, Хаки Абази смета дека Пацоли е контроверзна личност кого го следат „разни сомнежи“, што, според него, тоа го прави „фигура која не е достојна за почитување“.
Доаѓањето на Беџети Пацоли на чело на Косово, според Абази, уште повеќе ќе ја продлабочи кризата и дополнително ќе го влоши и онака лошиот рејтинг на Косово.
Организацијата на ветераните на Ослободителната војска на Косово (ОВК), исто така, не се согласува со изборот на Пацоли за претседател, но од сосема други причини.
Претседателот на Организацијата на ветераните, Мухарем Џемаили оцени дека се неприфатливи изјавите на Пацоли дека „Косово не може да постои без Србија“.
- Виновници за изборот на Пацоли за претседател се и претставниците од трите опозициски партии кои ја напуштија собраниската сала во текот на вонредната седница. Требаше да бидат во Собранието и да гласаат, изјави Џемаили за приштинската телевизија КТВ.