Приштина, 8 април 2011 (МИА) - Новиот косовски претседател Атифет Јахјага е избор на американскиот амбасадор на Косово Кристофер Дел, а не на лидерите на трите партии на косовските Албанци, изјави поранешниот шеф на косовската држава Беџет Пацоли.
- Кажав дека се повлекувам и во истиот момент амбасадорот Дел ме праша дали сум сигурен. Му реков дека се повлекувам и не сакам повеќе да бидат коалициски кандидат за претседател. А тогаш тој го отвори ковертот кој стоеше затворен на масата и рече: „Ова треба да го прифатите бидејќи ќе загубите голем пријател, како и американската агенда за Косово“, го раскажа Пацоли моментот на претставувањето на името на новиот косовски претседател.
Тоа се случувало во резиденцијата на американскиот амбасадор во Приштина.
- Кога Дел од ковертот го извади името на Атифет Јахјага за да ја предложи за претседател, Хашим Тачи и Иса Мустафа беа видно изненадени, истакна Пацоли.
Триесет и шест годишната Јахјага откако синоќа на вонредната седница на косовскиот претседател беше избрана за претседател на земјата, изјави дека ќе биде фактор на обединување и ќе ги застапува интересите на сите граѓани, а нејзиниот идеал, како и на сите граѓани на Косово, е членство во ЕУ и пријателство со САД.