Белград, 18 април 2011 (МИА) - Лидерот на опозициската Српска напредна партија Томислав Николиќ, кој од саботата изутрина штрајкува со глад во српскиот Парламент, е префрлен во приватна болница во Белград поради лошата здравствена состојба.
Потпретседателот на партијата Александар Вучиќ истакна дека Николиќ не се чувствува воопшто добро.
Педесет и девет годишниот политичар одбиваше храна и вода, сакајќи на тој начин да иницира одржување на предвремени парламентарни избори.
Вчера во Парламентот тој беше посетен од српскиот претседател Борис Тадиќ, кој се обиде да го натера да го прекине штрајкот, но Николиќ не го прифати барањето на шефот на државата.