Белград, 30 мај 2011 (МИА) - Адвокатот на Ратко Младиќ изјави дека поранешниот генерал е толку болен што нема да го доживее почетокот на процесот против него.
Адвокатот Милош Шаљиќ поднесе во судот молба 69-годишниот клиент да биде прегледан од лекарски конзилиум. Тој изјави дека семејството сака Младиќ да биде прегледан од независен кардиолог, невролог, ортопед и гастроентеролог.
- Затоа ќе испратам жалба против решението за екстрадиција во текот на денов за да може да се одложи таа одлука, изјави Шаљиќ. Заменик глевниот обвинител за воени злосторства Бруно Векариќ изјави дека Младиќ води тактика на одлагање, но ништо нема да ја спречи екстрадицијата во Хаг.