Белград, 31 мај 2011 (МИА) - Жалбата на Ратко Младиќ против екстрадирање во Хаг пристигна во судот. Милош Шаљиќ адвокатот на обвинетиот од Хашкиот трибунал, испрати доцна синоќа препорачано писмо во кое ја обжалува одлуката на судот дека се исполнети условите за предавање на поранешниот лидер на босанските Срби во Хаг.
Судот денеска ќе ја разгледа жалбата и треба да се произнесе вбо рок од три дена. Ако жалбата биде отфрлена, српското Министерство за правда ќе потпише одлука за испраќање на Младиќ во Хаг.
Специјалниот суд за воени злосторства во Белград во петокот донесе одлука дека Ратко Младиќ може да биде есктрадиран во Хаг.
Младиќ беше уапсен на 26 мај и оттогаш е во притвор на Судот во Белград.
Српски владини извори цитирани од западни медиуми велат дека тој може да биде екстрадиран во рок од 24 часа и оти сигурно е дека Судот ќе ја одбие жалбата.