Белград, 31 мај 2011 (МИА) - Поранешниот командант на војската на босанските Срби, генерал Ратко Младиќ, кого Хашкиот трибунал го товари за воени злосторства и геноцид, попладнево е екстрадиран во Хаг, соопшти српскиот министер за правда Снежана Маловиќ.
- Авионот со Младиќ полета од аеродромот во Белград, рече Маловиќ на вонредна прес-конференција.
Претходно две колони возила, во период од еден час, го напуштија дворот на Специјалниот суд во Белград, каде од притворањето се наоѓаше Младиќ, кого Хашкиот трибунал го товари за воени злосторства и геноцид
Првата колона се состоеше од пет џипа и полициско комби, а втората од три џипа и едно оклопно возило.
Полицијата го блокираше автопатот што води од Белград до аеродромот „Никола Тесла“, како и улиците од зградата на Судот до излезот на градот.
Специјалниот суд денеска ја одби жалбата против екстрадиција на Младиќ во Хаг.