Хаг, 1 јуни 2011 (МИА) - Судиите на Меѓународниот суд за воени злосторства во поранешна Југославија за во петок го закажаа првото појавување на поранешниот командант на војската на босанските Срби, Ратко Младиќ пред Трибуналот.
Одлуката за првото појавување на Младиќ пред Судот претпладнево ја потпишал холандскиот судија Алфонс Ори.
Предвидено е во петок Младиќ да се произнесе по 11-те точки од обвинението против него, меѓу кои и оние за геноцид и воени злосторства.
По 16 години криење, Младиќ беше уапсен на 26 мај во близина на Зрењанин, а вчера беше екстрадиран од Србија во Хаг.