Белград, 22 јули 2011 (МИА) - Поранешниот лидер на хрватските Срби од периодот на војната од 1991 до 1995 година, Горан Хаџиќ е екстрадиран во Хаг, изјави српскиот министер за правда, Снежана Маловиќ.
Таа истакна дека денеска ја потпишала наредбата за екстрадиција на Хаџиќ, кој пред Хашкиот трибунал ќе одговара за 15 обвиненија за воени злосторства и злосторства против човештвото поради неговата улога во убиството на стотици хрватски цивили и депортирањето на илјадници Хрвати и друго несрпско население за време на војната во Хрватска.
- Во овој момент авионот веќе патува кон Хашкиот трибунал, додаде Маловиќ.