Приштина, 29 јули 2011 (МИА) - Косовскиот премиер Хашим Тачи денеска изјави дека косовската влада, со помош на меѓународните партнери, успеа да го спречи шверцот на целата територија на Косово.
-За прв пат во последните 12 години , со одлука на владата на Косово и со поддршка на НАТО, успеавме целосно да го блокираме шверцот, рече Тачи на седница на косовската влада, на која акцентот беше ставен на случувањата на северот на Косово.
Тачи изјави дека на северот, на двата премина, шверцот на стоки е блокиран во целост.
-Сите граници на Косово ги чува и штити мисијата за владеење на правото на Косово и НАТО, рече Тачи, додавајќи дека ставот на Србите од Косово за него е незаконски.
-Нема да преговараме за да ја загрозиме безбедноста и територијалниот интегритет на Косово, рече Тачи и го повика Еулекс да им помогне на косовските власти во воспоставување на редот и законот.