Конвој на КФОР со околу 30 воени возила се повлече од блокадата на патот во близина на селото Рударе, во северниот дел на Косово, крената од Србите, соопштија американските медиуми.
Конвојот отпатувал кон нивната база во северно Косово.
Косовски Срби вчера кренаа барикади на двата главни пата во северно Косово, што водат кон Србија, препречувајќи трактори, теглачи, дрвени трупци, автомобилски гуми и насипана земја, откако завчера силите на НАТО во Косово (КФОР) ја презедоа контролата над двата гранични премини на границата со Србија, пренесоа агенциите.
Блокадите на патиштата го прекинаа движењето во двата правци.
Портпаролот на КФОР изјави дека одлуката да се повлечат од блокадата била донесена „за да се избегне крвопролевање“.