Белград, 2 август 2011 (МИА) - Српскиот премиер Мирко Цветковиќ денеска изјави дека за новонастанатата ситуација во северниот дел на Косово не е одговорна Србија, туку администрацијата во Приштина и меѓународните институции кои се наоѓаат таму.
Цветковиќ ги повика меѓународните претставници на Косово да започнат разговори со претставниците на српската Влада, со цел ситуацијата на косово да се смири и да се врати на почетната состојба пред кризата.
Српскиот премиер смета дека дијалогот меѓу Белград и Приштина треба да биде обновен.
- Претставниците на КФОР и ЕУЛЕКС мораат да останат неутрални, не смеат да заземаат ниту една страна, како што тоа сега го прават со одбивање на разговорите со легитимните претставници на Србија и блокада на конвојот со храна, што може да доведе до хуманитарна катастрофа, додаде Цветковиќ.