Лондон, 8 август 2011 (МИА) - Организираниот криминал, а не политиката е она поради што светот со претпазливост гледа на Косово, оцени командантот на КФОР Ерхард Билер, пишува денеска лондонски „Обзервер“.
Во осврт на кризата на северот на покраината, „Обзервер“ во вчерашното издание го цитира Билер дека „криминалците контролираат се на северот на Косово и подигнуваат меѓуетнички тензии што доведува до судири секогаш кога нивните интереси се загрозени“.
- Организираниот криминал ги користи екстремистичките групи за свои цели и мобилизираше војници да стават препреки на патиштата и дури им плаќаше на Србите да ги бранат’ барикадите, тврди командантот на КФОР.
Според сознанијата на КФОР, кои ги пренесува „Обзервер“, организираниот криминал стои и зад палењето на премините во Јариње.