Хаг, 6 септември 2011 (МИА) - Трибуналот во Хаг го прогласи за виновен поранешниот началник на ГШ на југословенската армија Момчило Перишиќ за убиства, напади врз цивили во БиХ и Хрватска во деведесеттите години од минатиот век, и го осуди на 27 години затвор.
Перишиќ (67) беше виновен и за обезбедување финансиска и логистичка поддршка за Србите во БиХ и Хрватска и за тоа дека давал помош за планирање и извршување воени злосторства меѓу кои и убиство на 8.000 мажи и момчиња муслимани во Сребреница и 42-месечната опсада на Сараево.
Обвинителството бараше доживотен затвор.