Белград, 16 септември 2011 (МИА) - Пратеници во собранијата на Србија и Војводина од редовите на опозициската националистичка Српска радикална партија (СРС) денеска има неуспешен обид да влезат од Србија во Косово преку преминот „Јариње“.
- Наидовме на железна ограда со бодликава жица, зад која се гледаа воени возила на КФОР, изјави шефот на пратеничката група на СРС во српското Собрание, Драган Тодоровиќ.
Тој најави дека 30-тината пратеници во српскиот Парламент и во покраинското Собрание на Војводина, придружувани од нивни сопартијци ќе останат на преминот се додека не успеат да влезат во северниот дел на Косово.
Според Тодоровиќ, нивна цел е да ги поддржат косовските Срби и да покажат дека немаат намера да се помират со отцепувањето на Косово.