Љубљана, 10 октомври 2011 (МИА) - Анкетата што денеска ја објави љубљанско Дело потврди дека мнозинството Словенци се против промена на улици и плоштади кои во времето на поранешна Југославија го добиле името по Јосип Броз Тито.
Во анкетата во која учествуваа 400 испитаници, 83 отсто се против менување на имињата, 15 отсто се согласни да се направи тоа додека 1,9 немаат став.
Уставниот суд неодамна поништи одлука на Градското собрание на Љубљана кои во 2009 година една нова улица во главниот град на Словенија ја именуваа Титова улица. Во Словенија со името на Тито се 12 улици и плоштади.