Ергиш, 28 октомври 2011 (МИА) - Тринаесетгодишното момче Ферхат Токај е извадено живо од под урнатините на зграда што се урнала во катастрофалниот земјотрес во источна Турција, пренесоа американските медиуми.
Момчето преживеало под урнатините на станбениот блок 108 часа по силниот потрес, што во неделата ја погоди земјата.
Тринаесетгодишниот Токај бил при свест во моментот на спасувањето во градот Ергиш, најтешко погодениот од потресот. Момчето е повредено, но детали за степенот на неговите повреди не се соопштуваат.
Според последните податоци, во земјотресот загинаа најмалку 550 лица, а околу 2.300 лица се повредени.