Атина, 14 мај 2012 (МИА) - И вчера не е постигнат договор за формирање на коалициска влада во Грција.
Претседателот на Грција Каролос Папуљас денеска ќе има средба со лидерите на политичките партии - Нова демократија, СИРИЗА и ПАСОК.
Преговорите продолжуваат денеска, но радикалната левица СИРИЗА одби да учествува во нив.
Алексис Ципрас истакна дека „СИРИЗА одбива да биде ’лево алиби’ на една влада која ќе ја продолжи политиката (на мерки за строги економии) што народот ја отфрли на 6 мај“.
И лидерот на ултрадесничарската партија Златна зора Никос Михалолјакис изјави дека нема да даде парламентарна поддршка на влада која ќе продолжи да ги применува мерките на штедење во замена за кредити од Европската унија и од Меѓународниот монетарен фонд.
- Земјата е под финансиски напад... Грците гласаа против условите на планот за спас, така ЕУ и ММФ досега требаше да заминат од земјата, посочи Михолалјакис.