Тирана, 6 јули 2012 (МИА) - Грчката полиција во градот Калитеа уапси еден 34-годишен албански државјанин, под обвинение за шверц на дрога и илегално поседување на оружје, лабораториски апарати и мешавина за дрога.
Како што јави дописникот на МИА од Тирана, во куќата каде што живеел албанскиот емигрант грчката полиција запленила над 18 килограми хероин, 450 грама кокаин, шест килограми марихуана, 4,8 килограми прашкаста материја за мешање со дрогата, две автоматски пушки „Калашхиков“, два шаржери со куршими, два пригушувачи, пиштол со куршуми, 139 шаржери за куршуми од различни калибри, 700 евра и електронска вага.
Судот во Калитеа на Албанецот му изрекол мерка притвор.