Сараево, 16 јули 2012 (МИА) - Генералниот секретар на Обединетите нации Бан Ки-мун денеска за весникот „Дневни аваз“ изјави дека неспособноста на ОН да го спречи масакрот на 8.000 босански муслимани во Сребреница секогаш ќе тежи на совеста на ОН и меѓународната заедница.
- Тие луѓе беа жртва на геноцид. Тоа ќе ја измачува меѓународната заедница уште долго време, истакна Бан.
Бан Ки-мун треба да пристигне во четврток во Словенија, со што ќе ја започне еднонеделната турнеја на Балканот. Посетата е прва на генералниот секретар на ОН по конфликтите во регионот во 90-тите години.