Истанбул, 11 октомври 2012 (МИА) - Турскиот премиер Реџеп Таип Ердоган соопшти денеска дека сирискиот патнички авион, кој беше принуден да се приземји во Анкара, превезувал боева муниција произведена во Русија, а наменета за сириското Министерство за одбрана.
Турските власти синоќа му наложија на патничкиот авион на „Сириен еар“ кој патуваше од Москва за Дамаск да слета во Анкара, откако добиле разузнавачка информација за можна пратка оружје, по што му конфискуваа дел од товарот.
Ердоган денеска пред новинарите рече дека турските власти се уште го проверуваат товарот и оти ќе биде преземено се што е неопходно.
Сирија демантира дека Ербас А320 пренесувал незаконски товар.