Во возило на грчкото Министерството за правда откриени се и запленети 149 килограми албанска марихуана. Дрогата е запленета од страна на грчката полиција во близина на границата со Албанија, јави дописникот на МИА од Тирана.
-Дрогата е запленета во Неа Селефкиа, кај Игуменица, а возилото марка „Цитроен“ го управуваше 48-годишен Грк, соопшти грчката полиција, а пренесуваат албанските медиуми.
Според грчките медиуми уапсениот шверцер на дрога бил вработен во обвинителството во Атина.
Истрагата продолжува, а полицијата се сомнева дека има вмешано и други лица.
По зголемената контрола од страна на полициите на двете земји и неуспешните обиди на нарко дилерите во обидите на шверцуваат албанска марихуана во Грција, сега се почесто во улога на транспортери на дрогата се јавуваат грчки државјани.