Брисел, 1 октомври 2013 (МИА) - Во организација на Организацијата за безбедност и соработка во Европа (ОБСЕ) денеска во Брисел делегации на Белград и Приштина ќе разговараат за подготовка на ноемвриските избори во Косово.
Една од темите ќе бидат и пријавите за гласање на внатрешно раселените Срби, кои се спорни за Приштина.
ОБСЕ претседава со работна група за изборите, во рамки на преговорите за нормализација на односите.
Состанокот се одржува во седиштето на Европската надворешно-политичка служба, на чие чело е Кетрин Ештон.
На состанокот ќе бидат делегации на Приштина и на Централна изборна комисија. Тимот на Србија ќе го предводи Вељко Одаловиќ, генерален секретар на Владата.