Анкара, 6 март 2014 (МИА) – Почнувањето нова Студена војна не е во интерес на никого и би било опасно за сите, предупреди турскиот претседател Абдула Ѓул во врска со тензиите меѓу Западот и Истокот предизвикани од Украина и осбено ситуацијата во Крим.
– Тензиите треба да се избегнуваат и проблемите треба да се решаваат со дипломатски акции. За таа цел треба да се почитува меѓународното право, нагласи Ѓул на заедничка прес конференција со полскиот претседател Бронислав Коморовски во Анкара.
– Турција го почитува политичкото единство и територијалната целост на Украина, нагласи Ѓул и додаде дека Кримскиот полуостров е исто така од политичката и територијална целост на Украина.
Коморовски изјави дека се согласува со својот турски колега.
– Сметаме дека Крим треба да остане како дел од територијата на Украина, нагласи тој.