Aнкара, 14 април 2014 (МИА) - Нобеловиот комитет добил писмо во кое ирачки курдски пратеник го предлага курдскиот бунтовнички лидер Абдула Оџалан да биде номиниран за Нобелова награда за мир, објави денеска турскиот весник „Радикал“.
Пратеникот од ирачката курдска партија „Горан“ (Промена) Хевал Квестани писмото го испратил до норвешкиот Нобелов комитет на 18 јули 2013 година.
Квестани го поистоветува лидерот на Курдската работничка партија (ПКК) со Нелсон Мандела и оти ако Оџалан ја добие наградата, таа ќе има важна улога за мир и демократија во регионот.