Сараево, 21 јули 2014 (МИА) - Само двајца функционерите на БиХ во последните три години во согласност со Законот за судир на интереси на БиХ пријавиле дека примиле подароци поскапи од 200 конвертибилни марки (околу сто евра), пишува „Независене новине“.
Дека е практично невозможно функционерите во БиХ да не примаат подароци, говорат и податоците од регионот, каде функционери пријавуваат и над стотина подароци.
Потпретседателот на Комисијата за спречување на судир на интереси Лазар Продановиќ рече дека тоа „не е возможно“ и оти Комисијата ќе ги извести своите институции и ќе бара податоци дали примиле или не подароци.
Според Законот за судир на интереси во институциите на властите на БиХ, Централната изборна комисија на БиХ била задолжена да води регистар на подароци кои ги примиле и на законски пропишан начин ги пријавиле избраните претставници и советници.