Тирана, 21 август 2014 (МИА) – Албанската Влада донесе одлука, како член на меѓународната коалиција против тероризмот, на Ирак и на Авганистан да им подари муниција и оружје.
Според одлуката објавена во Службен весник, на владата на Ирак ќе и бидат дадени 22 милиони куршуми, 15 илјади рачни бомби, 15 илјади минофрлачки гранати 60 мм, 12 илјади минофрлачки гранати 92 мм, пет илјади минофрлачки гранати 120 мм и 12 илјади 40 мм ГХЛКТ, модел 1969.
Исто така Албанија, на националната полиција на Авганистан ќе и подари 10 илјади автоматски пушки модел 56 калибар 7,62 мм. Министерството за одбрана ќе ја спроведе и ќе ја надгледува реализацијата на одлуката која е донесена на 15 август, .