Делегација на ПССЕ во посета на БиХСтразбур, 17 септември 2014 (МИА) - Петчлена делегација на Парламентарното собрание на Советот на Европа (ПССЕ), предводена од Тини Кокс од Холандија, ќе биде во посета на Босна и Херцеговина од денеска до 19 септември, за да даде оценка на предизборната кампања и политичката клима пред општите избори на 12 октомври, јави БТА.
Делегацијата ќе има средби во Сараево со претставници на Парламентот, на Централната изборна комисија, претставници на меѓународната заедница, невладини организации и медиуми.
Планирани се средби и со лидери и со претставници на парламентарни групи и медиуми во Бања Лука, престолнина на Република Српска.
|