Истанбул, 24 октомври 2014 (МИА) - Турската полиција е ставена во состојба на тревога поради коверти со жолт прав, што денеска биле испратени до генералните конзулати на неколку држави во Истанбул, јави турската телевизија Си-Ен-Ен-Турк.
Екипи на Дирекцијата за управување при несреќи и вонредни состојби (ДУБИС) во моментов врши инспекции во конзулстите на Германија, Канада и Белгија.
Службеници во конзулатот на Канада, во истанбулскиот кварт Левент, утринава во добиената пошта, отвориле ковери во кои, подоцна се покажало, дека има жолт прав. Тие веднаш ја информирале полицијата, која испратила експерти за да ја утврдат ситуацијата со непознатиот прав.
За овие случаи биле инфомирани и деминери и медицински екипи.
Во генералниот конзулат на Канада, исто така, пристигнале екипи на ДУБИС, облечени во скафандери.