Париз, 31 октомври 2014 (МИА) - Турскиот претседател Реџеп Тајип Ердоган денеска изјави дека операцијата на меѓународната коалиција, која се бори против џихадистичката група Исламска држава (ИД), премногу е насочена само врз сирискиот град Кобане, кој се наоѓа во близина на границата со Турција, а не и кон другите реони.
- Зошто Кобане, а не и другите градови, како што се Идлиб, Хама или Хомс, кога 40 проценти од ирачката територија е контролирана од ИД?, истакна Ердоган на прес-конференција во Париз по средбата со францускиот колега Франсоа Оланд.
Тој праша зошто коалицијата не дејствува и во други зони, кога во Кобане има само 2.000 борци на ИД.