Атина, 20 април 2015 (МИА) - Судскиот процес против членовите на Златна зора почна во отсуство на повеќето обвинети пратеници на неофашистичката партија, вклучувајчи го и лидерот Никос Михолалиакос, јави дописникот на МИА од Атина.
Пред почетокот на судењето беа присутни 44 од вкупно 69 обвинети во процесот, по што, како што се очекуваше, процесот е презакажан за 7 мај.
Во судот пристигнаа адвокатите на двете страни, сведоци, како и родителите на 34-годишниот убиен музичар Павлос Фисас, како и новинарот Димитрис Псарас, кој обезбеди важни информации за истрагата во врска со случајот.