Истанбул, 22 мај 2015 (МИА) - Турската полиција денеска приведе 80 бизнисмени во врска со истрагата против поддржувачите на исламскиот проповедник Фетула Ѓулен, поранешен сојузник и ментор, а сега жесток непријател на претседателот Реџеп Таип Ердоган, пренесе БТА.
Полициската акција е фокусирана на централниот турски град Конија, но се спроведува и во над други 10 окрузи, наведуваат турски медиуми.
Меѓу приведените има и еден поранешен шеф на полицијата.
Полицијата одби да даде коментар за операцијата, што се реализира непосредно пред парламентарните избори во земјата закажани за 7 јуни.