Грчките банки и берзата нема да работат, одлучи вчера грчката Влада, јави ТАСС.
Банките и берзата, според одлуката на Владата ќе бидат затворени цела недела.
Се очекува властите да прогласат и лимит за повлекување на пари од банкомати.
Банките се очекува да започнат со работа повторно едвај на 6 јули – по референдумот, на кој Грците треба да одлучат за иднина, соопштија грчките медиуми.
Инаку голем број Грци, во саботата во долги „опашки“ се наредија пред банкоматите за да си ги повлечат парите од сметките, откако премиерот Алексис Ципрас околу пладне најави распишување референдум за барањата на кредиторите, со што се зголемува ризикот земјата да излезе од еврозоната.
Освен колоните пред банкоматите, во Грција се забележува и поголема побарувачка на гориво по пумпените станици, и покрај тоа што нема проблеми со доставата.