ЕК: Загрижувачко ниво на невработеност на младите во АлбанијаТирана,12 февруаи 2016 (МИА) - Европската комисија во последниот извештај за нивото на невработеност во Албанија наведува дека во последниот квартал од минатата година стапката на невработеност кај младите во земјата е загрижувачка и изнесува 32,3 проценти.
- Во извештајот се пресликува состојбата во земјоделството, кое е сектор каде лежат и најголемиот број работни места во Албанија. Но, според ЕК, за жал токму во секторот каде има најмногу потреба од работна сила, врботувањата се намалуваат, пренесува телевизијата Ора њуз.
Како што јави дописникот на МИА, стапката на невработеноста во Албанија на крајот од минатата година официјално изнесувала 17,5 проценти, што претставува раст за 0,2 проценти поени во однос на третиот лански квартал.
Отворањето нови работни места во Албанија, посебно за младите, се смета за проблематично, поради големата неусогласеност меѓу побарувачката и понудата.
Од друга страна, нивото на невработеност се смета дека е многу повисоко од официјалната стапка, бидејќи сите невработени не се пријавуваат во Бирото за вработување.
|