Штрајк на вработените во јавниот сектор во Белгија

Брисел, 31 мај 2016 (МИА) – Вработените во јавниот сектор низ цела Белгија  денеска стапија во генерален штрајк, поради што дојде до застој во железничкиот  и автобускиот сообраќај, како и во работата на затворските установи,  поштите, училиштата, пренесува Танјуг.

Официјалниот претставник на Белгиски  железници соопшти дека железничкиот  сообраќај во јужниот франкофонски валонски дел од земјата е целосно во застој, додека пак, на северот, односно во фламанското говорно подрачје функкционираат околу 40 отсто од капацитетите.

Откажани се и некои меѓународни линии од Париз до Брисел.

Освен намалување на работата, синдикатот од Брисел за денеска најави и демонстрации.

Синдикатите протестираат поради мерките на штедење усвоени од белгиската влада, коишто значат и зголемување на старосната граница за пензионирање.