„Самсунг“ го купува „Харман“ за сума од осум милијарди долари

Сеул, 14 ноември 2016 (МИА) - Јужнокорејскиот гигант „Самсунг Електроникс“ соопшти дека го купува американскиот производител „Харман Интернешанл Индастрис“.

Сумата што ќе ја плати „Самсунг“ е осум милијарди долари.

Потегот е обид на „Самсунг“ за влез на пазарот на автомобилска технологија, каде се развива производство на „поврзани“ автомобили (Connected car).

„Самсунг“ во соопштение наведува дека тој пазар до 2025 година ќе биде вреден околу 100 милијарди долари.

Харман е лидер во „Connected car solutions“ и повеќе од 30 милиони возила се опремени со негови електронски и аудио системи. Според компаниски податоци, околу седум милијарди долари заработка на Харман (до 30 септември 2016) е од продажба на електронски системи за возила.