Кај кичевското село Извор денеска и официјално ќе почнат активностите за изградба на автопатот Кичево – Охрид. Проектот вреден 274 милиони евра, треба да биде заокружен за 45 месеци.
Автопатот ќе биде со должина од 57 километри и ширина 25,2 метра, во две насоки со три ленти. Предвидена е изградба на тунел долг два километра, седум поголеми и 14 помали мостови, четири вијадукти, како и останата пропратна инфраструктура.
Проектот и е доверен на компанијата „Сајнохидро корпорејшн лимитед“ од Кина. Градежните работи ќе почнат истовремено на три локации за да завршат за три години. Во активностите ќе бидат вклучени и повеќе градежни и други компании од земјава. Согласно договорот, 51 процент од луѓето што ќе работат ќе бидат од Македонија, од општините кои гравитираат околу автопатот.
На денешното поставување на камен-темелникот ќе присуствува и премиерот Никола Груевски.